տուն Հասարակություն Իրավական Կրակոցներ Սայաթ-Նովա գյուղում

Կրակոցներ Սայաթ-Նովա գյուղում

177
0

Փետրվարի 18-ին, ժամը 21։10-ին, ոստիկանության Մասիսի բաժնում հաղորդում էր ստացվել, որ Սայաթ-Նովա գյուղում կրակում են:

Այս մասին տեղեկացնում են ոստիկանությունից:

Դեպքի վայր մեկնած օպերատիվ խումբը պարզել է, որ մի խումբ անձինք Րաֆֆու փողոցում հայհոյանքներ են հնչեցրել, իսկ նրանցից մեկը որսորդական ազդանշանային հրթիռանետից կրակոցներ է արձակել օդ՝ խանգարելով բնակիչների անդորրը:

Ճշտվել է միջադեպի մասնակիցների ինքնությունը:

Ձեռնարկված օպերատիվ-հետախուզական միջոցառումների և բացատրական աշխատանքի արդյունքում փետրվարի 20-ին, ժամը 11.00-ին, Մասիսի բաժին են ներկայացել երկու երիտասարդ, տվել խոստովանական բացատրություններ ու ներկայացրել որսորդական ազդանշանային հրթիռանետը:

Խուլիգանության փաստով հարուցվել է քրեական գործ։

Կատարվում է նախաքննություն: