տուն Հասարակություն Առողջապահություն ԱՀԿ-ն 2-րդ օրն անընդմեջ արձանագրում է Covid-19-ի նոր վարակակիրների աննախադեպ բարձր թիվ

ԱՀԿ-ն 2-րդ օրն անընդմեջ արձանագրում է Covid-19-ի նոր վարակակիրների աննախադեպ բարձր թիվ

163
0

Առողջապահության համաշխարհային կազմակերպությունը (ԱՀԿ) երկրորդ օրն անընդմեջ արձանագրում է կորոնավիրուսի նոր վարակակիրների աննախադեպ բարձր թիվ մեկ օրվա կտրվածքով՝ շուրջ 260 հազար: Նախորդ բարձր ցուցանիշը աշխարհում արձանագրվել էր հուլիսի 17-ին՝ մոտ 238 հազար:

Անցած 24 ժամվա ընթացքում համաճարակի հետևանքով մահացածների թիվը նույնպես բարձր է՝ 7 հազար 360։ Ավելի բարձր ցուցանիշ արձանագրվել էր միայն մայիսի 10-ին՝ 8 հազար 500: Այսպիսով, աշխարհում կորոնավիրուսի վարակակիրների թիվը հասել է 14 միլիոն 400 հազարի, որից 604 հազարը մահացել է, 8 միլիոն 600 հազարը՝ ապաքինվել:

Հիվանդացության ցուցանիշներով առաջատարը ԱՄՆ-ն է` 3 միլիոն 700 հազար վարակակիր, երկրորդ հորիզոնականում Բրազիլիան՝ ավելի քան 2 միլիոն, երրորդ տեղում Հնդկաստանը՝ ավելի քան 1 միլիոն ցուցանիշով։