ԱԺ ԵԼՔ խմբակցությունն այսօր շրջանառության մեջ է դրել երկու նախագիծ։ Այս մասին հայտնում է խմբակցության պատգամավոր Նիկոլ Փաշինյանը ֆեյսբուքում։
«Դրանցից մեկով առաջարկում ենք դեղերի իրացումը ՀՀ-ում ազատել Ավելացված արժեքի հարկից, ինչը կմեղմի դեղերի չափազանց բարձր գները Հայաստանում եւ կհանգեցնի դեղերի էժանացման։
Մյուսը վերաբերում է գույքահարկին։ Խնդիրն այն է, որ ՀՀ Զինված ուժերի սպաները մինչեւ ծառայության 20-րդ տարին ազատված են գույքահարկից, իսկ 21-րդ տարում արդեն զրկվում են այդ արտոնությունից։
Նախագծով առաջարկում ենք գույքահարկից ազատման արտոնությունը սպաների համար պահպանել ողջ ծառայության ընթացքում, ինչպես նաեւ նման արտոնություն տալ զինվորական ծառայության մեջ գտնվող բոլոր անձանց, այդ թվում՝ պայմանագրայիններին»։
