Արշակունյաց պողոտայի 23 շենքում տեղի ունեցած փլուզումից տուժել է 3 մարդ, նրանցից մեկը հիվանդանոցում մահացել է։
Araratnews.am-ը պարզեց, որ զոհվածը ՀՀ ԱՆ փորձագիտական կենտրոն ՊՈԱԿ-ի աշխատակից, 50-ամյա Անդրանիկ Կարապետյանն է, ով մահացել է հիվանդանոցում:
Դեպքի վայրում է եղել նաև ՀՀ արդարադատության նախարար Արտակ Զեյնալյանը, ով լրագրողների հետ զրույցում ասել է, որ փլուզման պահին մարդիկ են անցել տարածքով:
«Շինաշխատանքներ են կատարվել շենքի պայմանները բարելավելու ուղղությամբ: Ուսումնասիրություններ կարվեն, եթե կան մեղավորներ, նրանք կբացահայտվեն և կենթարկվեն պատասխանատվության»,- ասել է նախարարը:
Մեր այցելության պահին ՊՈԱԿ-ի աշխատակիցները ոչ մի տեղեկատվություն չտրամադրեցին:
Ներկայացնում ենք լուսանկարներ դեպքի վայրից:
