WikiLeaks-ը հրապարակել է ԱՄՆ կենտրոնական հետախուզական վարչության զեկույցը ապստամբ ուժերի դեմ պայքարի վերաբերյալ։ Զեկույցը հրապարակվել է WikiLeaks-ի կայքում։
18 էջանոց փաստաթուղթը հայտնի է եղել «Հակակառավարական շարժումների դեմ պայքարի լավագույն փորձերը» անունով և ներկայացվել էր 2009 թվականի հուլիսի 7-ին։ Զեկույցում հեղինակները փաստեր են հավաքել ապստամբների առաջնորդների սպանության դրական և բացասական կողմերի մասին։
Այս զեկույցի ամենակարևոր կետերից մեկն այն է, որ հեղինակները նշում են, որ ապստամբների առաջնորդների սպանությունը դրական է միայն այն դեպքում, եթե դա մեծ ռազմավարության մի մաս է կազմում։ Բացասական կողմերից նշվում է այն, որ առաջնորդի սպանությունից հետո առաջանում են նոր առաջնորդներ՝ ավելի ծայրահեղական դիրքորոշմամբ։
