Վրաստանի վարչապետ Գիորգի Գախարիան առաջին պաշտոնական այցով կմեկնի Ադրբեջան: Այս մասին գրել է aliq.ge-ն:
Վրաստանի կառավարության հասարակայնության հետ կապերի ծառայության տեղեկատվությամբ, վարչապետ Գախարիան առաջին պաշտոնական այցերը կանցկացնի Վրաստանի հարևան երկրներում, որոնք Վրաստանի կարևորագույն գործընկերներն են, ինչպես արտաքին քաղաքական, այնպես էլ առևտրատնտեսական ուղղություններով:
Հատկանշական է, որ հաջորդ շաբաթ կկայանա նրա այցը Հայաստան: Բացի դրանից՝ նախատեսվում է նաև վարչապետի այցը Թուրքիա, որը տեղի կունենա հոկտեմբերի վերջին:
Ինչպես երեկ գրել էինք, Վրաստանի կառավարության ղեկավարը Ադրբեջան այցից հետո կայցելի նաև Հայաստան:
