Մինչեւ Սահմանադրական դատարանի ամբողջ կազմի համալրումը Սահմանադրական դատարանի (ՍԴ) նախագահի պարտականությունները կկատարի Աշոտ Խաչատրյանը` տարիքով ավագ դատավորը:
Կոռուպցիայի կանխարգելման հանձնաժողովի կայքից Araratnews.am-ը տեղեկանում է, որ ՍԴ նախագահի պարտականությունները կատարող դատավորը բավական մեծ ունեցվածքի տեր է: 2019 թ-ին դատավորը հայտարարագրել է բաժնային սեփականությամբ անհատական բնակելի 2 տուն, 13 հողամաս Գավառում, արտադրական շինություն, գյուղտեխնիկա`ժառանգությամբ ստացված, բանկային հաշիվներ, 3,672,711 դրամ եւ 44 դոլար, 3,800,000 դրամ կանխիկ դրամ:
Դատավորի եկամտի աղբյուրը եղել է աշխատանքի վարձատրությունն ու դրան հավասարեցված վճարումները` 16 717 601 դրամ:
Դատավորի կնոջ` Ռուզաննա Համբարձումյանի հայտարարագիրը բավական համեստ է: Նա հայտարարագրել է 156,717 դրամ բանկային հաշիվ, 180,000 կանխիկ դրամ: Դատավորի կինը եկամուտ ստացել է աշխատանքի վարձատրությունից` 401,386 դրամ:
Այլ դատավորների ունեցվածքը` այս հղումով: