«Ֆորմուլա 1»-ի յոթնակի չեմպիոն, գերմանացի Միխայել Շումախերին, որը դեռ կոմայի մեջ է, վերադարձրել են տիբեթյան ապարանջանը, որը նա կորցրել էր լեռնադահուկային թեքուղում ընկնելու ժամանակ։
Այս ապարանջանը, որը դրական էներգիա է ձգում, նրան նվիրել է կինը՝ Կորինան։ Այն դարձել էր նրա թալիսմանը։ Կինը փնտրել էր այն ամենուր՝ հոսպիտալում, ուղղաթիռում, լեռնալանջին։ Ձյուների միջից ապարանջանը գտել են դահուկային կայանի աշխատակիցները, հաղորդում է ֆրանսիական L’Equipe թերթը։
Հիշեցնենք, որ Շումախերը դեկտեմբերի 29-ին գանգուղեղային վնասվածք էր ստացել դահուկներով սահելիս։
