«Մենք 20 տարի պայքարել ենք Հոկտեմբերի 27-ի գործի կոծկման դեմ և, բնականաբար, այսօր վերջապես այդ գործը պետք է վերանայվի: Պատասխանատուները պետք է բացահայտվեն և պատժվեն»:
Այս մասին այսօր՝ հոկտեմբերի 27-ին, Կոմիտասի անվան քաղաքային պանթեոնում լրագրողների հետ զրույցում ասաց ՀԱԿ փոխնախագահ Լևոն Զուրաբյանը:
Նրա խոսքով, Հոկտեմբերի 27-ի գործը կոծկվել է Ռոբերտ Քոչարյանի և Սերժ Սարգսյանի կողմից:
Լևոն Զուրաբյանը նշեց, որ Մարտի 1-ն ու Հոկտեմբերի 27-ը ամենածանր և ողբերգական հարվածն են եղել մեր նորանկախ պատմությանը:
