Տավուշի մարզից վրաերթի ենթարկված 7-ամյա երեխան ուղղաթիռով տեղափոխվել է Երևան՝ «Սուրբ Աստվածամայր» բուժկենտրոն:
Այդ մասին «Ֆեյսբուքի» իր էջում գրել է ԲԿ-ի մամուլի խոսնակ Գևորգ Դերձյանը։
Երեխայի վիճակը գնահատվում է ծանր։
«Տղայի մոտ կան համակցված վնասվածքներ, գանգուղեղային վնասվածքներ, գանգի թաղի և հիմի կոտրվածքներ, գլխուղեղի սալջարդ: Երեխան վիրահատվել է, վիճակը գնահատվում է ծանր: Գտնվում է վերակենդանացման բաժանմունքում»։
Նա խոստացել է լրացուցիչ տեղեկություն տրամադրել:
