Սիրիական ընդդիմության տարածած տեղեկությունների համաձայն` ապստամբների տարբեր խմբերի միջև բախումների հետևանքով անցած շաբաթվա ընթացքում զոհվել է շուրջ 500 մարդ, այդ թվում՝ 80 խաղաղ բնակիչ, հաղորդում է BBC-ն:
Բրիտանիայում տեղակայված սիրիական իրավապաշտպանական կազմակերպության տվյալներով՝ Սիրիայում մարտեր են ընթանում ապստամբների և «Իրաքի և Լևանտի իսլամական պետություն» խմբավորման իսլամիստների միջև:
Ավելի վաղ ապստամբներն այս խմբավորմանը մեղադրել էին այն բանում, որ նրանք ցանկանում են իրենց ձեռքը վերցնել Բաշար Ալ-Ասադի դեմ ապստամբությունը:
Ըստ տեղեկությունների՝ երկպառակության պատճառը եղել է առաջնորդության դերի բաշխումը:
