Լիբանանյան Al-Mayadeen հեռուստաընկերության հաղորդմամբ, Սիրիայի ապստամբները քիմիական զենք են կիրառել:
Հաղորդվում է, որ դա տեղի է ունեցել երկրի հյուսիս-արևելքում, Թուրքիայի հետ սահմանակից շրջանում: Հարձակման մասին տեղեկացրել են քուրդ ինքնապաշտպանական ուժերի ներկայացուցիչները, ովքեր զինյալների հետ մարտեր են մղում այդ շրջանում: Նրանց հաղորդմամբ՝ մարտիկների մոտ նկատվում են քիմիական սուր թունավորման ախտանիշներ, որն ուղեկցվում է սրտխառնոցով: Բացի այդ, նշվում է, որ պայթունի ժամանակ դեղին ծուխ է հայտնվել:
