Իսպանացի Ռաֆայել Նադալը կարող է ռեկորդ սահմանել համաշխարհային թենիսում՝ դառնալով մեկ մրցաշրջանի ընթացքում ATP World Tour Masters 1000 ամենաշատ մրցաշարերի հաղթող։ Դրա համար անհրաժեշտ է, որպեսզի նա Շանհայում նվաճի իր վեցերորդ տիտղոսը «Մասթերս» շարքում։ Բացի այդ, այսօր Ռաֆայել Նադալը գլխավորել է ATP ուժեղագույն թենիսիստների լավագույն տասնյակը և կմնա այդ դիրքում մինչև տարեվերջ։
«Հուսով եմ կազմուպատրաստ մոտենալ Շանհայի մրցաշարին։ Սա կարևոր մրցաշար է, մրցաշրջանում ամենակարևորներից մեկը, քանի որ ATP Masters 1000-ի հենց առաջին տուրերից պետք է խաղամ ուժեղագույն թենիսիստների հետ», — ասել է իսպանացին ATP-ի պաշտոնական կայքին։
