Մադրիդի «Ռեալի» նախագահ Ֆլորենտինո Պերեսը հայտարարել է, որ իր ակումբը ձմեռային տրանսֆերային պատուհանի ժամանակ նոր ֆուտբոլիստներ չի գնի:
«Մենք գոհ ենք մեր ներկայիս կազմով: Ակումբը չի պատրաստվում հունվար ամսին նոր ֆուտբոլիստներ ձեռք բերել: Բավականին շատ նորեկներ ունենք, և նրանցից ոմանք ստիպված կլինեն լքել ակումբը», — ասել է Պերեսը: Այս մասին հաղորդում է AS-ը:
Տեղեկացնենք նաև, որ ամառային տրանսֆերային պատուհանի ընթացքում մադրիդյան ակումբը կատարել է մի շարք կարևոր ձեռքբերում` Գարեթ Բեյլ, Իսկո, Ասյեր Իլյարամենդի, Դանի Կարվախալ, Կազեմիր:
