Պաշտոնական տվյալների համաձայն՝ Ուրուգվայի տուրիզմի նախարար Լիլիան Քեշիշյանը ընտրվել է Սենատի անդամ։ Այս մասին հայտնում է azatutyun.am-ը:
«Ձախակողմյան լայն ճակատ» կուսակցության անդամ՝ 67-ամյա Քեշիշյանն առաջին ուրուգվայահայն է, որ ընտրվել է օրենսդիր իշխանության վերին պալատում։
«Ազատության» հետ հարցազրույցում Քեշիշյանը հայտնեց, որ Սենատում էլ պատրաստ է օգտակար դառնալ բարդ տարածաշրջանում գտնվող Հայաստանին և նրա ժողովրդին։ Լիլիան Քեշիշյանը երկու անգամ այցելել է Հայաստան։
