Վարչապետ Նիկոլ Փաշինյանին այսօր պատասխանեց Սամվել Ալեքսանյանի կողմից պատվիրված սպանության մասին հարցին՝ երբ է այդ սպանությունը բացահայտվելու:
Հայաստանում կան չբացահայտված հանցագործություններ: Իրավապահ համակարգի առաջ խնդիր է դրված՝ բոլոր հանցագործությունները բացահայտել:
Նա ասաց, որ բոլոր երկրներում էլ կա այդ պրոցեսը՝ լինում են դեպքեր, երբ տարիներ անց են բացահայտվում հանցագործությունները:
2016 թվականին ՀՀ ԱԺ պատգամավոր Սամվել Ալեքսանյանի նախկին աշխատակից Արմեն Իսրայելյանը, որը 2002 թվականից աշխատել էր պատգամավորին պատկանող ընկերություններից մեկում, պնդում էր, որ Ալեքսանյանն իրեն զրկել է ունեցվածքից՝ տիրանալով իր ընտանեկան բիզնեսներին: Այս մասին Արմեն Իսրայելյանը հայտարարել էր «Հայկական ժամանակ» օրաթերթի հետ զրույցում:
Նույն հրապարակման մեջ Ալեքսանյանի նախկին աշխատակիցը հայտարարել էր, որ ինքն ԱԺ պատգամավորի հրահանգով բազմիցս առևանգել է տարբեր քաղաքացիների և ճնշումներ իրականացրել նրանց նկատմամբ: Իսրայելյանը նաև հայտարարել էր, որ ինչ-որ ժամանակ անց պատանդառուի դերում հայտնվել է ինքը, քանի որ խնդիրներ է ունեցել գործարար Սամվել Ալեքսանյանի հետ:
