Armchess.am-ը տեղեկացնում է, որ գրոսմայստեր Ավետիք Գրիգորյանը Ինդոնեզիայի մայրաքաղաք Ջակարտայում ավարտված մրցաշարում 11 հնարավորից վաստակեց 7 միավոր և 108 մասնակիցների մեջ գրավեց 19-րդ տեղը: 8,5 միավորով մրցաշարի հաղթող դարձավ գրոսմայստեր Ալեքսեյ Դրեևը (Ռուսաստան):
Նույն աղբյուրի համաձայն` գրոսմայստեր Գրիգոր-Սևակ Մխիթարյանը, որը ներկայացնում է Բրազիլիան, հաղթանակով ավարտեց մրցաշարը Բրազիլիայի Մոգի դաս Կրուզես քաղաքում: Չկրելով ոչ մի պարտություն` նա 7 հնարավորից վաստակեց 6 միավոր և 87 մասնակիցների մեջ միանձնյա նվաճեց առաջին մրցանակը:
Բրազիլահայ մեկ այլ շախմատիստ` ՖԻԴԵ-ի վարպետ Արմեն Բրուտյանը, 5 միավորով գրավեց 9-րդ տեղը:
