Սիրիայի նախագահ Բաշար Ալ-Ասադը պատրաստվում է գլխավորել անցումային կառավարությունը, եթե հունվարին Ժնևում համաձայնություն ձեռք բերվի։ Այս մասին հայտարարել է Սիրիայի տեղեկատվության նախարար Օմրան Ալ-Զուբին։ Հաղորդում է SANA գործակալությունը։
«Եթե ինչ-որ մեկը կարծում է, որ մենք գնում ենք «Ժնև 2»-ին ինչ-որ մեկին Դամասկոսի բանալիները հանձնելու, ապա ավելի լավ է մենք չմեկնենք այնտեղ։ Որոշումը նախագահ Ասադինն է։ Նա կղեկավարի անցումային կառավարությունը, եթե համաձայնություն լինի։ Նա Սիրիայի առաջնորդն է և կմնա Սիրիայի նախագահ», — ասել է Ալ-Զուբին։
