Հունգարիայի մայրաքաղաք Բուդապեշտում ընթացքի մեջ է ըմբշամարտի աշխարհի առաջնությունը։
Հայաստանի հավաքականի ամենահայտնի մարզիկներից մեկը՝ Արսեն Ջուլֆալակյանը հունահռոմեական ոճի 74 կգ քաշային կարգում նվաճել է բրոնզե մեդալը: Երրորդ տեղի համար պայքարում մեր մարզիկը 3։0 հաշվով առավելության է հասել դանիացի Մարկ Մեդսընի նկատմամբ:
Հիշեցնենք, որ 1/8 եզրափակչում Ջուլֆալակյանը մենամարտել էր ռուսաստանցի Ռոման Վլասովի հետ, ում պարտվել էր Լոնդոնի օլիմպիական խաղերի ժամանակ:Բուդապեշտում մեր մարզիկը կրկին պարտություն կրեց և ստիպված էր բավարարվել միայն բրոնզով։
