Թուրքիայի մայրաքաղաք Անկարայում տեղի ունեցած բողոքի ցույցի ժամանակ թուրքական ոստիկանությունը ցրել է «Գեզի այգի» շարժման մասնակիցներին: Բողոքի ակցիան տեղի է ունեցել Անկարայի դատարանի շենքի առջև: Այս մասին հայտնում է Reuters-ը:
Մոտ երկու հազարի հասնող բողոքի ակցիայի մասնակիցները փորձել են ներխուժել դատարանի շենք, որտեղ այդ պահին ընթանում էր Էթհեմ Սարիլուլուկի մահվան գործով դատավարությունը, ով սպանվել էր մի ոստիկանի կողմից` «Գեզի այգի» հակակառավարական բողոքի ակցիայի ժամանակ: Ինչպես հաղորդվում է, ենթադրյալ մարդասպանը դատավարության ընթացքում ներկա չէր և փաստաբանի հետ շփվում էր վիդեոկապի միջոցով:
Բողոցի ցույցի մասկանիցներին ցրելու ժամանակ ոստիկաններն օգտագործել են արցունքաբեր գազ և ջրցան մեքենաներ:
