Ամերիկյան Սանդիի ազգային լաբորատորիայի մասնագետները նախագծել են անօդաչու սարք, որը կարող է թռչել, լողալ, սուզվել և նույնիսկ թռչկոտել։ Այս մասին հաղորդում է ITAR-TASS գործակալությունը։
Հեղինակներից մեկի՝ Ջոն Սալթոնի կարծիքով՝ նորույթը զգալի կմեծացնի հատուկ ջոկատների հնարավորությունները, իսկ որոշ դեպքերում ընդհանրապես կփոխարինի հատուկ ջոկատայիններին։ Այս սարքի ամենամեծ առավելութոյւնը ճկունությունն է, որով նա աչքի է ընկնում հրամանները կատարելիս։ Wired ամսագիրը գրում է, որ մասնագետներն արդեն փորձարկել են այս սարքի որոշ բաղադրիչներ։
