Օրերս Ադրբեջանի երկու քաղաքացի է զոհվել Սիրիայում՝ նախագահ Բաշար Ասադի վարչակարգի դեմ մղվող մարտերում։ Այս մասին հաղորդում է ադրբեջանական ԱՊԱ-ն՝ հղում կատարելով սիրիացի գրոհայինների կայքերում տեղադրված տեղեկություններին։
Երեկ սպանվել է Սեյֆուլահ լեզգի մականունով գրոհայինը՝ ծնունդով Ադրբեջանի Գուսարի շրջանից։ Վերջինիս լուսանկարը չի հրապարակվել։ Նրա ամբողջական անունը ևս դեռ հայտնի չէ։ Միայն նշվում է, որ Սեյֆուլահ լեզգին նախկինում բազմիցս վիրավորված է եղել։
Մի քանի օր առաջ էլ կառավարական ուժերի հետ բախման արդյունքում սպանվել էր մեկ այլ ադրբեջանցի՝ 18-ամյա մոջահեդ Նիջաթը։
Նշենք, որ Սիրիայում սկսված հակակառավարական մարտերում ապստամբների շարքերում կռվում են մի շարք ադրբեջանցի զինյալներ։ Ավելի քան 100 ադրբեջանցիներ արդեն հասցրել են իրենց կյանքը նվիրաբերել հանուն սիրիացի ապստամբների։