Ամերիկյան սթենդ-ափ քոմեդիի դերասան Ռենդի Լիդկեն ոստիկանությանը հիմար իրավիճակի մեջ է դրել թխվածխաբլիթի պատճառով:
Տղամարդը բջջային հեռախոսի տեսք ունեցող թխվածքաբլիթ է թխել և ձևացրել, թե ղեկին հեռախոսով է խոսում:
Երբ ոստիկանը նրան կանգնեցրել է, Լիդկեն մի կտոր կծել է թխվածքաբլիթից և հարցրել ոստիկանին, թե ինչ խախտում է ինքն արել: Այս ամենը ուղիղ եթերում հեռարձակվում էր Twitter-ում:
Սակայն կատակն այնքան էլ ծիծաղելի չի թվացել ոստիկանին: Ռենդիի մոտ նա հայտնաբերել է սխալ տեղում կայանելելու համար տուգանքի մասին փաստաթղթեր, այնպես որ, դերասանը, միևնույն է, վճարել է իր կատակի համար, հաղորդում է kedem.ru-ն:
